威院失誤 孕婦胎盤剝落 初生嬰留醫四日亡

院方：產房冇位 冇醫生

張德康昨表示，該名孕婦產前檢查一切正常，於去年十月廿八日晚上七時作動入院，當時並未出現陰道異常出血的胎盤剝落症狀。由於孕婦劇痛，院方本打算安排無痛分娩，「但麻醉科醫生根本嚟唔到，好忙」，產房「冇晒位」，故先安排在待產病房等候，當時胎兒心跳正常。豈料十時許發現胎兒心跳減慢，緊急推入產房分娩。

張承認，若及早將孕婦推入產房分娩，可同時監察胎兒心跳，有異常可即時察覺，「至少處理程序同依家唔同，至於救唔救得番（嬰兒）就另一回事。」他透露該部門目前有三十一名醫生及二百多名護士，編制上「睇落係完全冇缺人」，但大部分同事一星期工時超過六十五小時，人手根本不足。

人手不足 「冇人入行」

他坦言，威院相比其他婦產科醫院並非最缺人，但威院服務種類多、病症較複雜，工作量最大。該部門人手流失情況不明顯，「反而最大問題係冇人肯入行，個個見咁辛苦，都唔入嚟做啦。」他認為公立醫院服務目前難以滿足市民需要，人手直接影響服務質素，形容是本港醫療體系一大困局。

威院表示，有關個案屬極罕見及不典型，承諾會檢討臨床處理過程，並對家屬致深切慰問。