原定喺上月十九日至二十日成行嘅東江水考察團，有十九人報名參加，當時除咗工記外，立法會內主要黨派都有代表，包括民建聯葛珮帆、民主黨黃碧雲、公文袋楊岳橋、工程界議員盧偉國、社福界邵家臻等，而早前因應新春假期加上原定考察日子對立法會事務造成不便，東江水考察團成行日子改為下月十四至十五日，重新開放畀議員報名。
工記繼續無人參加
截至尋日為止，合共有十五名議員已報名，包括上次有報名嘅十二名議員，惟公文袋一改上次有兩名議員報名，暫時無人參加，而工記則繼續無人表態有意參加。工記麥美娟接受查詢時話，距離截止報名仍有數日，會同另外四名議員再作溝通，視乎時間及工作安排，再決定係咪派人參加喎。