中環出更：兩女踩場示威 斥漢奸黎「佔中黑手」

轟黎離間中港關係

示威者尋日下晝約一時三十分抵達漢奸黎嘅寓所附近，並即場展示印有漢奸黎頭像及寫上「肥佬黎　佔中黑手　八大惡行」等字句嘅海報示威，批評漢奸黎涉及八大惡行，包括勾結外部勢力、佔中金主、重金操控泛民、唱衰香港警察及離間中港關係等。期間漢奸黎嘅座駕駛返寓所，但無發生不愉快事件。

近期針對漢奸黎嘅示威行動不絕，自舊年六月十日起計，至今已踏入二百六十七日，連同尋日嘅示威行動在內，到漢奸黎寓所附近及將軍澳壹傳媒大樓外示威嘅行動最少達一百七十次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百五十七次。