中環出更：示威者力斥漢奸黎勾結外部勢力

壹傳媒黎智英（漢奸黎）公然參與違法佔領行動，又被揭發曾經多次秘密捐款畀泛民政團同佢哋嘅立法會議員，被指為泛民同佔領行動嘅「金主」，佢同外國關係更係千絲萬縷。尋日兩名示威者就去到漢奸黎寓所附近示威，力斥其勾結外部勢力、唱衰香港等八大惡行。

尋日下晝約一點三十分，聲稱係自發嘅一男一女去到漢奸黎位於何文田嘅寓所附近示威抗議，仲展示印有漢奸黎樣貌以及「肥佬黎佔中黑手八大惡行」等字句嘅海報，指漢奸黎涉及「八大惡行」，包括「勾結外部勢力」、「佔中金主」、「重金操控泛民」、「唱衰香港警察」及「離間中港關係」等。

針對漢奸黎嘅示威行動自去年六月至今一直未停息，連同尋日到漢奸黎寓所附近及將軍澳壹傳媒大樓外嘅示威行動最少達一百六十九次，當中自稱係霸王國際集團員工及苦主嘅佔十次、正義聯盟佔三次，旅遊業界及其他人士則有一百五十六次。

卓妮