政情:公民講場:裝假狗捉泥頭山環保署執法都慳

政府一直對非法堆填同棄置廢物問題闊佬懶理,搞到發生「泥頭山」不斷擴大、演變成高球場等事件。尋日立法會環境事務委員會就此召開特別會議,立法會議員鄺俊宇就話,依家泥頭山問題好難跟進,過往處理過幾個泥頭山依家都仲「健康茁壯成長」,認為除非有特遣隊,如果唔係都唔知有咩方法解決咁話。點知環保署就話,安裝攝錄系統已經有效打擊非法活動,希望可以增加安裝點,更唔排除「裝假狗」。諗住「裝假狗」就當執法,政府即係hea住做等收工啫!

第一手消息請下載on.cc東網iPhone/iPad/Android/Windows Phone Apps