喺農曆新年期間訪港旅客有上升，但只係旺丁不旺財，統計處尋日公布嘅最新數字，一月嘅零售業銷貨值又跌百分之零點九，跌足二十三個月都未止血，其中電器、攝影器材跌幅最大，而珠寶首飾、鐘錶及名貴禮物嘅銷貨價值則反升為跌。零售業持續冰冷，反映商務及經濟發展局局長蘇錦樑（Greg）冇招吸客同救市，呢排淨係掛住周圍去拍片去硬銷啲美食車，佢唔係以為班旅客會因為美食車特登嚟香港呀？
