政情：張雲正話當年 拒留英攞居留權

一九八三年喺英國曼徹斯特大學畢業嘅張雲正，適值香港談論九七回歸，市民對前景感到憂慮，佢喺嗰個關鍵時刻加入政府，正好踏出實現夢想第一步為香港發展出一分力，但笑言當時好多朋友建議佢留喺英國，從事電腦科學嘅學術研究，藉此獲取英國永久居民身份，但佢就認為回港工作，見證主權回歸嘅重要年代更有意思。

張雲正獲政府取錄嗰年，僅兩名從海外投考嘅香港人獲聘，佢就係其中之一，而佢其後亦先後出任過九龍城區民政事務助理專員、香港駐新加坡經濟貿易辦事處處長同保險業監理專員等，遇上多個重大危機包括亞洲金融風暴同「雷曼兄弟」倒閉等。