商務及經濟發展局局長蘇錦樑（Greg蘇）尋日失驚無神宣布，推廣香港旅遊、提升本港國際形象嘅「盛事基金」下月底完結，令外界好愕然。「盛事基金」醜聞多籮籮，其中基金贊助嘅香港龍獅節活動就被揭發帳目混亂同報大數，審計報告更曾經大數基金多宗罪，包括門票益自己人、批出重辦盛事等，連廉政公署都質疑過點解基金仲唔摺埋。點知Greg蘇竟然讚基金過去八年帶嚟唔少全新嘅盛事，貢獻好大云云。真係唔知Greg蘇扮失憶，定唔知醜臉皮厚喇！
