政情：八網難逃：建制泛民 為「車」合作

建制同泛民喺立法會鬧到水火不容，唔好話合作，隨時連合照都唔肯。不過，落到區議會嘅地區民生層面，雙方合作其實唔難。好似沙田區咁，區內設有單車徑羨煞其他區居民，但係單車違泊成災亦帶嚟難題。為咗呼籲居民正視單車違泊問題，沙田區議會交通及運輸委員會嘅正、副主席，即民建聯嘅李世榮同公民黨嘅容溟舟，尋日就毋懼寒冷天氣警告，齊齊喺戶外合作拍宣傳短片，教單車使用者正確使用單車泊位。兩個人又分別將合照放上網，睇嚟默契都唔錯喎！