公民聯合行動尋日發表聲明向市民致歉，指佢哋知悉私隱專員公署對公投嘅關注，為咗減低對公眾嘅困擾，會先叫停相關嘅提名收集行動，並向私隱專員說明收集數據嘅用途同了解相關嘅要求後，先會將系統重新開放。
私隱署早踢爆漏洞
計劃早前已被資訊科技專家同組織踢爆，指計劃存在漏洞同風險，投票嘅個人資料可被輕易還原同識別。私隱公署前日更發表聲明，質疑計劃未有向參加者清楚說明收集資料嘅目的、用途同合法理據，甚至有誤導參加者之嫌。但係主辦團體尋日仲死撐，話稍後會向當局清楚說明透過該活動收集個人資料嘅一切情況，釋除私隱署同公眾疑慮，然而一日後就急急叫停計劃。