最近升任政務司司長嘅張建宗（小肥張）「冷手執個熱煎堆」。不過係咪可以順利留任至下屆政府，仍言之過早。繼早前自稱擔任勞工及福利局局長九年未放過一日假後，小肥張尋日再連環爆金句，話自己好鍾意工作，長期唔放假係「難度高嘅危險動作」，但工作可以為佢帶嚟動力，「有得打呔就興奮」、「唔坐冷板櫈就開心」。見佢一輪嘴咁「真情」流露，真係恨留任恨到流口水。
