政情：今日你上鏡：蔣麗芸賀年 派紅雞應節

立法會今個星期復會，踏入雞年丁酉年，立法會議員蔣麗芸（Ann）就好應景，喺立法會大派紅色雞公仔。雞公仔有金線花紋圖案，造型可愛精緻。阿Ann花咗三千蚊買咗六十隻，派畀議員及記者等人。阿Ann話佢早前喺深水埗見到呢隻紅色雞公仔好鍾意，亦想幫襯下啲小商戶，於是就叫助理去掃貨。呢隻紅色雞公仔都幾受議員歡迎，多名議員包括葛珮帆、林健鋒、張華峰（肥老闆）、周浩鼎（Holden）都有拎到。肥老闆一拎上手就喺度研究係雞公定雞乸，認真搞笑。Holden就話會帶番屋企畀囝囝玩喎！