中環出更：橫額貼牆 示威者斥漢奸黎亂港
反壹傳媒黎智英（漢奸黎）嘅示威不絕，兩名聲稱自發前來嘅男女，尋日下午帶同橫額到漢奸黎位於何文田嘅寓所附近示威，譴責漢奸黎反中亂港、禍港殃民。
帶同紙牌 放於地上
尋日下午約一時四十分，該兩名男女抵達漢奸黎寓所附近，喺牆上貼上兩幅布橫額，上面印有漢奸黎嘅樣貌，以及「反中亂港肥佬黎」、「毒媒橫行 禍港殃民」字句。佢哋又喺地上擺放多張類似嘅紙牌，斥責漢奸黎係「佔中黑手 千古罪人」。
近期針對漢奸黎嘅示威行動不絕，自去年六月十日起計，到漢奸黎寓所附近及將軍澳壹傳媒大樓外嘅示威行動最少達一百四十八次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百三十五次。
卓妮