法庭：涉拍臀胸襲 西醫非禮罪表證成
【本報訊】西醫林偉光去年在其醫學美容診所內，於一個月間涉嫌向年輕女下屬拍臀及胸襲非禮，事後更向對方解釋拍臀只是「Give Me Five」意思，最終被捕。被告日前在東區法院經審訊後，昨被裁定三項非禮罪表證成立，案件押後至三月十五日續審，屆時被告將決定是否出庭自辯。
事主獲多發一個月人工
年約廿多歲女事主X昨繼續在屏風後作供，辯方盤問她時，展示其出勤卡，指她曾在未上班就「打卡」簽到，違反員工規則。X承認有時替同事買早餐，同事便會代她打卡，乃慣常做法。
辯方再指，X疑擅取診所藥物及擅用激光儀器等，X激動回應：「係我唔舒服，同事畀我攞（藥），我無偷，依家因為我告醫生（被告）非禮，你哋就反咬我屈我偷、話我擅用儀器？」
X再透露，被告其實已「好多次無端拍我『屎忽』，我一路忍，忍到忍唔到先報警，我怕無咗份工，睇吓佢會唔會愈嚟愈過分」。X並稱，事發後在家突然收到一個公文袋，內有兩個月薪金的支票，X直言感到奇怪覺得不是自己應得，故一直不敢兌現並交予警方處理，X質疑：「如果話我偷嘢，點解仲要畀多一個月人工我？」辯方回應：「咁公司都係體恤你。」辯方續指，其實診所有致電X，着她回去取薪金，只是X一直不接聽電話，X回應：「我好驚，好多同事搵我打畀我，我唔敢聽，我唔知邊個係人邊個係鬼。」
案件編號：ESCC 3928/2016