探射燈：新界單車徑水平差 窄又斷續
由發展局提出貫穿新界西東的單車徑，問題多多，除元朗至上水段因工程問題而斬樹外，香港職業單車選手楊英瀚亦在已啟用的單車路段踩單車時，發現三大問題。
逼踩出公路 危險多廢氣
「最大問題係條單車徑斷斷續續，每次踩到路口就要落車，有啲位要踩出公路，真係好危險。」楊稱，單車徑旁有不少中港貨車駛過，排出很多廢氣，影響空氣質素。另外，單車徑不夠寛闊，難以同一時間容納多部單車駛過。
楊坦言，相比台灣、泰國等地，本港單車徑的水平仍未達標準，「泰國有條二十四公里長嘅單車徑；而台灣亦推出多項政策，方便踩單車人士，唯獨香港咁差。」除專業單車手發現問題外，上水居民朱先生亦認為，由於屯門至上水段的單車徑，毗鄰貨櫃場，風景欠佳，「嗰邊唔經米埔，直接行新田公路，對我嚟講冇吸引力，我唔會帶小朋友去附近踩單車。」