中環出更:示威者直斥漢奸黎傀儡洋奴

聲討壹傳媒黎智英(漢奸黎)嘅行動喺禁制令頒下後仍然持續,尋日係大年初六,兩名聲稱自發前來嘅女子,繼續到漢奸黎位於何文田嘅寓所附近展示抗議標語,直斥漢奸黎係傀儡洋奴、黑金亂港。

展示「千古罪人」等標語

兩名示威者尋日下晝大約一點四十五分抵達漢奸黎寓所附近,隨即展示寫有「嚴查黑金 不容姑息」、「千古罪人肥佬黎」、「漢奸走狗黎智英 搞亂香港正衰人」、「肥佬黎 傀儡洋奴 黑金亂港」、「大魔頭 大漢奸 黎智英 滾出香港」等標語,示威者逗留至下晝五點左右離開。

近期針對漢奸黎嘅示威行動不絕,自舊年六月十日起計,至今已踏入二百三十八日,連同尋日嘅示威行動在內,到漢奸黎寓所及將軍澳壹傳媒大樓外示威嘅行動最少達一百四十一次,當中自稱霸王國際集團員工及苦主佔十次、正義聯盟佔三次,旅遊業界及其他人士則有一百二十八次。

卓妮

第一手消息請下載on.cc東網iPhone/iPad/Android/Windows Phone Apps