政府扶貧委員會原定喺上月二十一日召開嘅會議改咗喺尋日開會，點知扶委會成員喺過年前再被通知尋日嘅會議取消。班成員對取消會議都感到不明所以，其中馮檢基就喺社交網站批評，此舉令委員無法討論施政報告嘅扶貧建議，直斥扶委會主席、新任政務司司長張建宗「無心戀戰，hea住過年」，但司長辦公室就回應話，喺發表施政報告當日下晝已第一時間向扶委會全面彙報相關內容，所以尋日嘅會議毋須舉行喎。之但係彙報唔等如係例會，點講得通呀！
