發展局工務科上月廿七號發出嘅信函中話，因為新春假期同埋按照籌備工作嘅進度，當局估計唔能夠如期考察東江水。信函又補充指出，因為原定考察日會對立法會事務造成不便，建議延期至四月十四至十五日，即復活節假期嘅頭兩日。今年復活節有連續四日假期，真係唔知議員們會唔會早就有安排喇！
復活節成行否仍存變數
翻查紀錄，上一屆立法會發展事務委員會曾計劃到廣東省考察東江水，但發展局當時就以可能出現極端天氣為由，建議委員會換屆之後先安排考察團。今屆確認咗考察日期，當局又再以新春假期為由要求延期至復活節假期先起行，恐怕復活節旅遊旺季又會因為議員要外遊而未能成團，到時就分分鐘要一延再延喇！