中環出更：示威者叫漢奸黎滾出香港

聲討壹傳媒黎智英（漢奸黎）嘅行動喺禁制令頒下後仍然持續，尋日係年初五，唔少市民正式「啟市」，兩名聲稱自發前來女子繼續到漢奸黎位於何文田嘅寓所附近展示紙牌抗議，佢哋轟漢奸黎係漢奸走狗，搞亂香港，要佢滾出香港。

兩名示威者尋日下晝約兩時半抵達漢奸黎寓所附近，並展示寫有「嚴查黑金　不容姑息」、「千古罪人肥佬黎」、「漢奸走狗黎智英　搞亂香港正衰人」、「大魔頭　大漢奸　黎智英　滾出香港」等字句嘅標語，逗留約兩小時後離去。

近期針對漢奸黎嘅示威行動不絕，自舊年六月十日起計，至今已踏入二百三十七日，連同尋日嘅示威行動在內，到漢奸黎寓所外及將軍澳壹傳媒大樓外示威嘅行動最少達一百四十次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百二十七次。

卓妮