檔迫遷 突喪夫 賣菜嫗哭求食署「最後機會」
【本報訊】在黃大仙區賣菜半世紀的馮婆婆，她在大成街街市的菜檔因擺貨越界而四度遭警告和遷出，搬遷期限年初四已屆滿，同日亦失相濡以沫六十年的老伴，昨續開檔，哭求食環署給最後機會。立法會議員梁國雄批評食環署選擇性向弱者開刀，除了做法不公、成效同樣不彰。食環署則堅持菜檔上訴已遭駁回，除非法庭頒下暫緩令，否則有責任依指示執法。
女兒憂母雙重打擊撐唔住
馮婆婆三母女昨日以菜籃臨時搭建攤檔，迫遷期滿後如常開檔。「我哋唔會搬，誓死保衞！」細囡黎女士提到老父時更聲淚俱下：「爸爸噚晚走咗，佢之前仲講起菜檔係咪畀人整蠱，六十幾年嘅老伴突然走咗，冇埋個菜檔，我哋好驚阿媽撐唔住！」婆婆遭逢巨變，再忍不住淚水：「有乜可以打算？連飯碗都冇埋！」婆婆連聲為承認違規在先道歉，但對於食環署未給予足夠口頭警告，便下達最後搬遷令始終不忿：「係攞我哋嚟祭旗，死得唔眼閉！」
議員指街市擺貨越界屬常態
立法會議員梁國雄及朱凱廸約見食環署人員，指街市擺貨越界情況已成常態，「有啲魚檔擺到開晒，好似大笪地咁，如果（食環）制度上管理唔到，何必搵弱勢開刀呢？」梁質疑選擇性執法無法根治違規情況，只會導致「一雞死一雞鳴」，要求署方酌情權處理，否則將考慮提出司法覆核。
食環署稱有關檔主去年八月初稱會就事件提覆核，故當時已暫緩收回檔位行動，但該署至今仍未收到有關法庭命令以推翻或暫緩執行收回檔位的決定，故已於上月初通知檔主要求本月一日前停止營業。