中環出更：示威者續「拜年」怒轟魔頭漢奸黎
聲討壹傳媒黎智英（漢奸黎）嘅行動喺禁制令頒下後仍然持續，尋日係大年初四，兩名聲稱自發前來嘅女子繼續到漢奸黎位於何文田嘅寓所附近展示抗議紙牌，佢哋怒斥漢奸黎搞亂香港及千古罪人，要求嚴查黑金，不容姑息。
促「嚴查黑金 不容姑息」
兩名示威者尋日下晝約二時半抵達漢奸黎寓所附近，隨即展示寫有「嚴查黑金 不容姑息」、「千古罪人肥佬黎」、「漢奸走狗黎智英 搞亂香港正衰人」、「大魔頭 大漢奸 黎智英 滾出香港」等字句嘅標語。示威者逗留約兩小時後和平散去。
近期針對漢奸黎嘅示威行動不絕，自舊年六月十日起計，至今已踏入二百三十六日，連同尋日嘅示威行動在內，到漢奸黎寓所及將軍澳壹傳媒大樓外示威嘅行動最少達一百三十九次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百二十六次。
卓妮