政情:去年行會成員避席次數大減

特首辦公布舊年行政會議嘅會議次數、討論項目總數及行會成員避席次數。雖然舊年會議次數減少僅兩次,但討論項目次數就減少七十二項,行會成員嘅避席次數就大減近一百次,未知係咪同行會組成人員變動有關。

根據特首辦公布嘅數字顯示,舊年討論項目由二百八十六次,減少至二百一十四次,未知係咪因為本屆政府喺舊年已經屬中後期階段,開始變成看守政府,導致討論嘅項目減少。

至於行會成員嘅避席總次數就由二百一十一次,減至一百一十六次,大減近一百次,即使以避席嘅討論項目計算,亦由九十一次減至五十九次。有政界人士分析,前行會成員李慧琼曾被爆因為喺四大會計師行之一嘅畢馬威工作,所以經常要避席,佢喺舊年三月辭任行會,可能因此導致整體避席次數減少。不過,睇番行會去年底新增咁多個新成員,唔知會唔會係因為缺乏危機意識,而冇避席呢?

第一手消息請下載on.cc東網iPhone/iPad/Android/Windows Phone Apps