要改變郊野公園用地嘅用途，一直係好惹火嘅議題，而施政報告就提出發展生態價值唔高嘅郊野公園邊陲地方嚟起公屋同老人院，隨即引起社會好大回響。言猶在耳，署理發展局局長馬紹祥尋日首次發表局長網誌，重申現屆政府並冇任何具體計劃改變郊野公園同特別保育地區作其他用途。事隔只係幾日啫，就完全轉晒軚，佢擺明係唔敢掂郊野公園，怕火燒身喇！
