政情：今日你上鏡：謝偉俊保留出世日曆半世紀
有「法律超人」之稱嘅立法會議員謝偉俊（Paul），日前喺社交網站facebook（fb）上載咗一張相，相中佢揸住一個鑲咗一張發黃日曆嘅相架。一張舊嘅日曆，點解會當係寶貝？
阿Paul話嗰日係佢五十八歲生日，除咗朝早同同事一齊切蛋糕慶祝之外，佢仲特別攞咗呢張「無價之寶」影相。原來呢張一九五九年一月二十一日嘅日曆，係阿Paul媽媽喺佢出世之後，將呢張日曆撕下保留至今。
佢話一張薄薄嘅紙雖然隨住時間過去而泛黃，但對佢嚟講就係珍貴嘅記憶同證明，所以佢不忘將呢張相send畀遠在美國嘅媽媽睇，因為佢嘅生日同阿媽忍受疼痛嘅日子係同一日喎。
（互聯網）