中環出更：示威者靜坐抗議 漢奸黎黑金亂港
聲討壹傳媒黎智英（漢奸黎）嘅行動未有因禁制令頒下而停止，尋日朝早兩批合共二十四名聲稱自發人士，帶同橫額到漢奸黎位於何文田嘅寓所附近示威同靜坐，怒轟漢奸黎賣國亂港，係佔中港獨黑金金主。
尋日朝早約八時半，首批為數二十二名示威者喺漢奸黎寓所附近嘅行人路上集合，佢哋高舉五星旗，手持印有「賣國亂港佔中港獨黑金金主 大漢奸黎智英全家滾出香港」、「肥黎賣國 毒果害民」等嘅橫額及標語示威，大叫口號。示威者逗留約一小時後離開，及至下午四時左右折返再示威，直至下午五時和平散去。
促嚴查黑金勿姑息
另一團體嘅兩名女子喺中午兩點左右，則帶同寫有「嚴查黑金 不容姑息」、「漢奸走狗黎智英 搞亂香港正衰人」標語，到漢奸黎寓所附近靜坐。
近期針對漢奸黎嘅示威行動不絕，自舊年六月十日起計，至今已踏入二百二十七日，連同尋日嘅示威行動在內，到漢奸黎寓所及將軍澳壹傳媒大樓外示威的行動最少達一百三十二次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十九次。
卓妮