立法會民政事務委員會尋日討論施政報告內容，唔知係咪開會時間太早，議員容海恩竟然向民政事務局局長劉江華提問街市管理嘅問題，搞到全場鴉雀無聲，但容海恩就死撐話，提街市問題係因為想問關於文康設施嘅綜合市政大樓喎！其實街市管理屬食物及衞生局負責嘅範疇，容海恩嘅問題可謂九唔搭八。作為議會新丁嘅佢已經唔係第一次甩轆，議會開波至今三個月都仲未進入狀態，睇嚟佢要勤力啲做功課至得喇！
