有「民主阿婆」之稱嘅前政務司司長陳方安生今日出發前往美國華盛頓，出席美國總統特朗普嘅就職禮。佢早前講過希望此行可以同老朋友見面同埋認識一啲新朋友，尋日佢出席一個公開埸合時又話，今次係佢首次出席美國總統就職禮，希望可以趁機會同美國眾議院、參議院，以及有影響力嘅人士見面，向佢哋反映香港情況，呼籲佢哋支持香港人爭取民主，捍衞「一國兩制」及法治。民主阿婆唔通又想唱衰香港，勾結外國勢力干預香港事務？
政務司司長林鄭月娥日前辭去司長職務，表示有意參加三月舉行嘅特首選舉。民主阿婆就話，林鄭月娥喺近期西九故宮館事件上令市民反感，又指興建香港故宮文化博物館原本係好事，市民反感係因冇依程序做事。
她又認為現屆政府施政愈來愈冇透明度，希望下任特首及官員凡事都向市民清楚交代。之但係民主阿婆自己在任時又有冇凡事向市民交代清楚呢？