財爺曾俊華（鬍鬚曾）辭職足足一個月，已經放咗佢為官以來最長嘅假期，但係遲遲都未獲批准，呢段時間去過港、九、新界，食過腸粉，又同市民自拍，玩到無嘢好玩，百無聊賴嘅佢日前仲悶爆去睇戲添！除咗等，都係等，等到官邸嘅聖誕花已經「花兒謝了」，畀園丁搬走晒，尋日就運咗一車年桔等返官邸。嘩！「運桔」、「混吉」，究竟係贈興定贈「興」呀？
