立法會財務委員會尋日開會，四小時會議只通過咗向幼稚園提供啟動津貼，因為非建制議員早已表明「拉布」，目的係力阻排喺其後嘅問責官員加薪議程。財委會主席陳健波開會前發炮，認為非建制做法如同向無爭議性嘅幼稚園津貼發動拉布，擔心會令人覺得「乜都政治化」，更表明主席有權終止討論進行表決添。非建制咁做法，又的確等同挾持幼稚園學生，好彩最終都通過咗，唔使陳健波拎起大鉸剪「剪布」，扮英雄拯救無辜嘅人質。
