政府就快為取消強積金對沖「劃線」，訂明僱主某個日子之後唔准再用僱主供款對沖遣散費同長期服務金。商界早就耍手擰頭，各大商會代表尋日開早餐會後出嚟大力反對，與會嘅經民聯主席盧偉國更話，商會指政府就算畀埋過渡期資助都只係「溫水煮蛙」，長遠會影響經濟發展喎。勞工界要政府找數，商會呢次表態，擺明係煮死勞工及福利局局長張建宗啫！
