全球天氣反常，近兩年香港嘅冬天唔凍似乎已變成常態。先施百貨主席馬景煊（Philip）話，冬天天氣太暖，剛過去嘅聖誕之後數日，只係凍咗幾日又回暖，形容呢個旺季只能望天打卦，尤其係佢哋銷售嘅貨品以服裝為主，天氣咁熱，市民都冇興趣買茄士咩（Cashmere），直言點搞吖！雖然Philip講到咁慘情，但其實先施今年仍錄得增長，比起政府公布零售消費數字連跌廿一個月，算係咁喇！
