鄰居傷心自責「救唔到佢好難過」

姓黎女村民指，火警發生時，聽聞鄰居拍門大叫火燭，慌忙開門已烈燄沖天，來不及執拾物件與家人逃生，當經過蓮嬸寓所附近時，看見蓮嬸被困屋內，遂大叫：「婆婆快啲走呀！」但聽到她慌張說：「我走唔郁，救命呀！」黎指，當時火場傳來爆炸聲，火球亂竄，更有物件倒塌，在極度危險情況下，村民欲救無從。

新年流離失所 災民盼獲援

另外，居住蓮嬸附近的住客稱；「衝到落樓已經火勢好猛，條路又窄，又多人逃走，好混亂，見到蓮嬸叫救命，可能佢行動不便走唔到喇，我即刻去搵消防，但係已經太遲。」他指縱使看見亦無能為力救人，感到愧疚。

僥倖逃過鬼門關的村民，卻難逃家園盡毀的命運，「我住咗幾十年喇！街坊個個都識，治安又好好，點知變成咁。」火警當晚正上班的區女士雖避過一劫，但昨晨回到茶果嶺村發現家園盡毀，頓時悲從中來，並慨嘆：「就到新年啦，想補番間屋住都唔得，希望政府畀個地方我哋住。」但又恐怕新一年要流離失所。

網商百對特別版波鞋盡毀

火警發生時，不乏警覺力十足的村民扶老攜幼逃生，住戶許先生更不忘將家中貴重物品帶走，並稱：「擸得幾多得幾多。」惟非每個村民都如此幸運，許多住戶痛失多年珍藏。其中經營網上波鞋生意的何先生，家中存放近百對特別版波鞋，如今全數被焚毀，損失慘重，其他鄰近火場的鋅鐵皮屋經過一場大火亦已化成灰燼。