主張本土自決嘅立法會議員朱凱廸、姚松炎同羅冠聰，聯同香港眾志秘書長黃之鋒獲邀下月赴台，出席由台獨組織「時代力量」主辦嘅論壇大談自決，惹來「播獨」質疑。國台辦發言人安峰山就以「小小寰球，有幾個蒼蠅碰壁」去回應，批評一小撮台獨勢力企圖勾結港獨搞分裂，狠批行為不會得逞，最終頭破血流。其實盲頭烏蠅橫衝直撞，最終只會落得自殺收場，自決派係都要黐埋去，等於撼頭埋牆啫！
