綠色先鋒：貪新棄舊 港惜物文化落後
早年在加拿大生活的Celia，坦言當地的惜物減廢文化與本港截然不同，「每逢聖誕新年，當地人習慣將唔要嘅舊衫褲，捐畀露宿者同貧苦人家，甚至鄰里之間亦會互相交換雜物，實行人棄我取，相比香港新年用新嘢嘅文化，真係好唔同。」
Celia回流返港從事設計行業，行內盛行的「大嘥」風氣，更令她大吃一驚，「曾經接過一個幫店舖布置嘅Project，但佢嘅裝飾同宣傳物資，只要用一季就要全部丟晒，再買過新嘅嚟替換，但喺加拿大，店舖反而會好樂於重用物資嚟布置，盡量唔浪費。」
及早教育小朋友善用資源
「要真正做到惜物減廢，其實教育好重要。」Celia慨嘆，港人社會近年對環境保護的關注度雖然增加，但仍不乏「唔聽教」的人，大量浪費事件屢次發生，「如果我哋可以以一個比較有趣、生動嘅方式，及早教育小朋友善用地球資源，將來情況一定會大有改善！」