政府喺冇諮詢公眾同立法會嘅情況之下，突然宣布喺西九文化區興建香港故宮文化博物館，並由香港賽馬會慈善信託基金全資出資三十五億元興建，毋須經立法會撥款。有學者批評政府當馬會係「提款機」，好似當馬會啲錢用唔晒咁，又擔心今次事件過到關，日後一有具爭議嘅項目，只要搵到「大水喉」就唔再需要諮詢立法會同公眾，削弱立法會監察政府功能咁話。馬會使錢有乜準則？主席葉錫安咪再匿埋唔出聲。
