政情：小明智利避「震」打卡報平安
憑一句「小明上廣州、探親友樂同遊」而為人熟悉嘅兒科醫生李家仁（小明），最近同埋香港紅潮研究專家何建宗一齊去南極探險。不過前日智利就發生地震，幸好依家身在智利嘅小明避過一劫，仲喺facebook（fb）上「打卡」同大家報平安。
上載企鵝照分享近況
小明尋日喺香港時間約凌晨兩點幾，喺fb上載咗兩張企鵝相片，仲話自己身處喺智利最南端嘅船上，而且仲啱啱睇完企鵝。另外，佢更加向大家解釋，話地震係喺智利中部，所以佢同埋探險團都安全。
除咗去睇企鵝，小明亦喺fb分享佢今次南極之旅嘅所見所聞，當中包括喺平安夜晚上食嘅聖誕大餐，同埋到當地天主教教堂參觀等等。今次「小明去南極」將會去足兩星期，仲會跨埋年，喺下個月八號先會返香港。
_