佔中發起人之一、港大法律系副教授戴耀廷日前爆驚人言論，指民主派選委可以用提名票換取下屆特首撤銷四名議員嘅司法覆核。繼多名建制派律師去信律政司司長袁國強，指控佢妨礙司法公正，尋日更有人去廉署舉報，質疑佢涉嫌違反選舉及舞弊條例。雖然戴耀廷多次死撐，話自己只係作為選民表達對特首嘅期望，但佢嘅換票論就連泛民都唔支持，依家仲有咁多人狙擊佢，睇嚟佢一身蟻喇！
