政情：（先刂）雞下海搵真銀 拒返政壇
新一屆立法會新面孔多，唔少資深議員都退下火線，包括單仲偕（先刂雞）。早前喺一個公開活動見到（先刂）雞，佢就大爆半年內同太太周圍去旅行，例如去日本九洲浸溫泉、印尼潛水同埋去美國滑雪，優哉悠哉。不過騸雞呻話，以前有嘢做無時間使錢，依家無嘢做就唔夠錢使，所以悠長假期即將放完，下個月就會開始搵工做，下海搵真銀！
自爆獲邀做基金董事
（先刂）雞又自爆，有人邀請佢出任基金董事，受薪同非受薪都有，其中一個係關於退休基金，佢已經應承咗，相信好快有公布。聽佢講到未來滿腹大計，唔知佢會唔會重返立法會，或者幫手處理民主黨黨務？騸雞就耍手擰頭話，點都唔會返政治熱廚房咁話。