政情：今日你上鏡：黃偉鴻搞慈善跑 順便瘦身

中華廠商聯合會食品製造業委員會主席黃偉鴻（Ellis）做零食生意，不時要去日韓試食搵新嘢，雖然荷包進帳唔少，但係身形同樣有進「脹」。不過，早前見Ellis明顯Fit咗，原來佢旗下EDO巨浪大切主辦一場除夕慈善長跑，為仁濟醫院籌款，賽事將於今個月底喺沙田白石角海濱長廊舉行。Ellis話，到時佢都會落場跑三公里，所以最近一有時間就勤力練跑，雖然唔係瘦咗好多，但係感覺健康咗，成個人亦結實咗。Ellis仲話，用跑步形式送舊迎新年夠晒健康，又可以做善事，唔排除明年繼續舉辦咁話。