中環出更：斥漢奸黎禍港殃民 25人舉標語示威
聲討壹傳媒黎智英（漢奸黎）嘅行動喺禁制令頒下後仍然持續，尋日再有二十五名聲稱自發嘅人士，到漢奸黎位於何文田嘅寓所附近示威，高舉打倒漢奸黎及佔中黑手嘅標語，怒轟漢奸黎操縱選舉，禍港殃民。
下午折返再抗議
該批示威者尋日朝早八時五十分，到漢奸黎寓所附近嘅行人路上示威，佢哋手持五星旗，又舉起印有「打倒漢奸黎智英」、「黎智英操縱選舉 禍港殃民」等標語示威，期間並無叫喊口號，逗留約九時五十分後離開。及至下午一時二十七分，示威者再折返，舉起標語抗議，逗留約一小時後和平散去。根據法庭文件所示，示威者進行抗議行動嘅位置，不屬禁制令範圍之內。
近期針對漢奸黎嘅示威行動不絕，自六月十日起計，至今已踏入一百八十七日，連同尋日嘅行動在內，到漢奸黎寓所及將軍澳壹傳媒大樓外示威嘅行動最少達一百一十五次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零二次。
卓妮