中環出更:亂港惹市民怒憤「漢奸黎正瘟神」

聲討壹傳媒黎智英(漢奸黎)嘅行動在禁制令頒下後仍然持續,尋日再有一批示威者踩上漢奸黎嘅寓所外抗議,直指漢奸黎賣國亂港正瘟神、遺臭萬年。

早午上門斥黎遺臭萬年

三十二名聲稱自發人士尋日朝早約七時四十分抵達漢奸黎位於何文田嘅寓所外示威,佢哋手持區旗同拉起印有「黎智英賣國亂港正瘟神 壹傳媒亂作新聞呃市民」、「賣國黎賊 遺臭萬年」嘅橫額抗議,期間有保安員向示威者派發法庭文件,而大部分示威者拒接,只有一名示威者接咗法庭文件,保安員之後將文件放喺地上。

直至八時十分,漢奸黎嘅兒子乘車離開寓所上學,示威者並冇阻撓,佢哋在場逗留至約八時三十分和平散去。

示威者喺下午約四時再「步操式」到漢奸黎寓所外,拉起寫上抗議字句嘅橫額同紙牌示威,有保安員向他們派發法庭文件,但無人接收。佢哋逗留約五十分鐘後分批離去。

卓妮

第一手消息請下載on.cc東網iPhone/iPad/Android/Windows Phone Apps