中環出更:示威者怒踩「亂港瘟神」漢奸黎

反壹傳媒黎智英(漢奸黎)嘅行動持續,昨早有廿九名示威人士帶同示威橫額及標語,到漢奸黎位於何文田嘅寓所外抗議,直斥漢奸黎賣國亂港,期間一度踐踏印有漢奸黎肖像嘅紙牌洩憤。

舉橫額斥壹傳媒亂作新聞

昨早約七時半,有廿九名男女自發到場,手持寫上「黎智英賣國亂港正瘟神 壹傳媒亂作新聞呃市民」嘅橫額,另有多塊寫上「肥黎賣國 毒果害民」等字句紙牌,於漢奸黎寓所外站立,並高叫口號示威,期間有人更踐踏印有漢奸黎肖像嘅紙牌洩憤。警員其後到場了解,他們逗留到約九時半和平散去。

近期針對漢奸黎嘅示威行動不絕,自六月十日起計,至今已踏入一百七十三日,連同尋日行動在內,到漢奸黎寓所及將軍澳壹傳媒大樓外示威嘅行動最少有一百零二次,當中自稱霸王國際集團員工及苦主佔十次、正義聯盟佔三次,旅遊業界及其他人士則有八十九次。

卓妮

第一手消息請下載on.cc東網iPhone/iPad/Android/Windows Phone Apps