外傭抹窗定唔抹窗，近日成為熱門議題。勞工及福利局局長張建宗（小肥張）尋日話各方一致同意外傭要喺有窗花嘅情況下先可以抹窗，需唔需要有人在場睇住就仲傾緊，但相信問題唔大。其實小肥張作為問責官員中嘅「樓王」，佢坐擁最少九個物業，就算大部分出租，自住樓都始終要搵人抹窗，唔知將來係咪佢老婆睇實個外傭抹窗呢？抑或佢明年任期屆滿，到時可以疊埋心水返屋企「自己窗門自己抹」？
