政情：車尾鬼面貼嚇人 EQ籲勿買

一眾嘩鬼已於上星期初嘅萬聖節出動，而且已經玩完返屋企，但大家出外時仍會有「撞鬼」嘅可能，因為網上有售一款「鬼面貼紙」，大家隨時有機會被嚇！立法會議員葛珮帆（EQ）喺facebook呼籲，市民唔好購買呢啲鬼面貼紙，亦要通知親友，減輕見到貼紙時嘅驚嚇，避免於路上出現交通意外機會。究竟鬼面貼紙有幾驚嚇呢？EQ就上載多輛私家車車尾玻璃窗貼上鬼面貼紙嘅效果圖片，青色女鬼面目猙獰，令人心寒，尾隨車輛司機見到前車有個女鬼，的確有釀成交通意外嘅可能，難怪EQ要作出呼籲，仲加上標籤強調「有啲嘢千祈唔好玩」！