未知是否本人主動提出
曾爵士自從被落案起訴後，作風轉趨低調，依家突然為報章撰寫專欄，有人就質疑係因為特首選戰在即，曾爵士想為其「沙煲兄弟」、盛傳對特首選舉蠢蠢欲動嘅財政司司長曾俊華（鬍鬚曾）造勢。
曾爵士突然為免費報章撰寫專欄，實在令人摸不着頭腦，該報章高層接受傳媒查詢時都話係首次有前行政長官喺報章撰寫常設專欄，不過就冇回應是由報社定係曾爵士本人主動提出有關安排。
鬍鬚曾一直被視為曾爵士嘅愛將，早前有指鬍鬚曾已去信北京表示會辭職參選特首，故此外界就質疑曾爵士寫專欄係要為鬍鬚曾造勢。不過，曾爵士係首位被落案起訴嘅特首，如果他為鬍鬚曾造勢，話唔定是幫倒忙，愈造勢、勢愈弱！