中環出更：無懼「噁」毒 議員照擦大閘蟹

象哥又話，今次事件對大閘蟹市場肯定帶嚟衝擊，不過佢請老友記食嘅靚蟹係熟人供應嘅，所以唔擔心唔乾淨。議員周浩鼎就話，除咗去象哥嘅蟹宴之外，佢甚少食大閘蟹，即使食都係一隻起兩隻止，所以大閘蟹出事對佢影響唔太大喇！

議員麥美娟（Alice）就喺出事前已搶先食咗大閘蟹，直言唔食都食咗咯！Alice生日咁啱撞正大閘蟹盛產時節，所以經常同朋友買靚蟹去酒樓食，佢自稱食得好有節制，每年都只食三至四隻。雖然今年啲蟹不及往年大隻，但Alice依然食到讚不絕口。今次佢食完後先出現大閘蟹安全問題，但佢就認為自己無三高，食完感覺亦唔錯，所以無嘢驚啦！

張國鈞自爆做「殺手」

陳恒鑌就唔多好食大閘蟹，因為唔太識拆蟹，反而太太就係蟹癡，每次食完都可以用蟹殼砌番完整蟹形出嚟！至於張國鈞就自爆有個外號叫「Crab Killer（蟹殺手）」，因為可以一次過食十一隻大閘蟹！不過，呢個戰績已成過去，因為自從減磅成功後，佢好注重健康，每次只係食少少喇！

卓妮

麥美娟生日撞正蟹季，所以每年必食大閘蟹。（溫國佳攝）

張國鈞（左）曾經係蟹癡，周浩鼎（右）就少食多滋味。