【本報訊】你有張良計，我有過牆梯。昨日起住宅物業印花稅劃一加至百分之十五，有地產代理即有「計仔」應對，本報接獲一段錄音，為某地產代理高層向下屬教路，將未簽的臨時買賣合約寫成十一月五日前，以避過辣招，但他坦言：「唔可以太離譜，喺呢個禮拜之內，有啲傾落嘅買賣，大家執生！」
有律師指出，這是教唆、串謀製造虛假文件，而買賣雙方是意圖欺詐，都是嚴重罪行，可判監數年。
本報接獲的錄音為一名男子向下屬訓話，他一開始便說：「政府尋日出辣招，我哋冇理由就咁被佢點穴……最傳統嘅解決方法係借名，邊個借到名，邊個就贏，可以用仔女個名……二手講得白啲，合約可以做，個日子date前十一月五號前做，以prelim（臨約）計，但唔可以太離譜，喺呢個禮拜之內，有啲傾落嘅買賣，大家執生！WhatsApp唔好寫明『避稅』呢啲字眼，總之呢個禮拜係關鍵，大家努力！」
該男子提到公司轉讓，「以前受大陸人歡迎，依家都會受港人歡迎，用空殼公司持有物業將會受歡迎。買賣雙方用埋同一個律師，就萬無一失！大家早啲適應市場。」
律師黃國桐指出，地產代理聯同買賣雙方更改臨約日期，這是教唆、串謀製造虛假文件，而買賣雙方則是意圖欺詐，三方都犯法，而且是嚴重罪行，可判監數年。他說：「佢哋以為咁樣可以慳到錢，冇人爆出來，咪冇人知囉，但第個會爆，咁就係刑事罪！」
有地產界人士亦表示，這是違法的行為，即使有行家這樣做，也不會讓其他人知道，難以估計行內是否普遍。他又說，透過公司轉讓形式轉手物業一直都存在，這是合法的，但由於不經土地註冊處，所以不會知道相關成交的數字。