政情:今日你上鏡:灣仔捕獲楊潤雄打書釘

教育局局長吳克儉(吳得掂)早前吹水話每個月睇三十本書,原來教育局副局長楊潤雄都好鍾意睇書o架。早兩日中午,我哋「捕獲」楊潤雄喺灣仔一個商場嘅書店打書釘。佢話自細就鍾意睇書,細細個已經睇中國四大名著,不過當時只係睇簡單版,直至到中學就沉迷於武俠小說世界之中,後來讀大學功課繁重,就變咗睇工具書多喇!

楊潤雄又話,出咗嚟做嘢後工作忙碌,少咗時間睇書,返屋企見到有乜嘢書就順手拎嚟睇,好似子女之前追《哈利波特》,佢又跟住睇。子女睇乜佢就睇乜,相信佢同子女實冇代溝喇!

第一手消息請下載on.cc東網iPhone/iPad/Android/Windows Phone Apps