政情：公民講場：「港人自住」優先？ 波叔得把口

早前青年新政立法會議員游蕙禎喺公開場合以「扑嘢都搵唔到房」言論，帶出香港土地供應不足問題。雖然最近就有財團投咗啟德發展區住宅地，但仍然有唔少市民擔心樓價升溫，最終又會買唔到樓。發展局局長陳茂波（波叔）就話政府係以「港人自住」優先，又話政府呢兩年推出嘅私人住宅用地都超出目標，認為出年私人住宅用地唔會供不應求咁話喎。不過留意番，嗰個財團係以超過八十八億元投地，成本價咁高，到時發展商咪只會將樓價轉嫁返去市民身上，市民買唔起，又點會係「港人自住」優先呢？波叔真係得把口。