中環出更：旅業員工踩上門聲討漢奸黎
反壹傳媒黎智英（漢奸黎）嘅行動浪接浪，逾三十名自稱係旅遊從業員嘅人士尋日踩上漢奸黎嘅寓所外示威，佢哋舉起「反黑金」、「反港獨」嘅標語，又拉起寫有「排清淫禍黑毒 剷除毒傳媒 肥黎滾出香港」嘅橫額，更怒吼漢奸黎滾出香港及落地獄。
寓所外拉「剷除毒傳媒」橫額
逾三十名人士尋日朝早十時左右，自發到漢奸黎位於何文田嘅寓所外示威。示威者舉起寫有「排清淫禍黑毒 剷除毒傳媒 肥黎滾出香港」、「反黑金 反港獨」同「反拉布 保民生」等橫額及標語，又大叫「肥佬滾出香港落地獄」口號，佢哋逗留至上午約十一時離去，及至下午二時折返再示威，直至下午三時左右離去。
實際上，自六月十日起計，包括尋日嘅行動在內，到漢奸黎寓所外及將軍澳壹傳媒大樓外示威嘅行動最少達七十六次，當中自稱霸王國際集團員工及苦主佔十次、正義聯盟佔三次，旅遊業界及其他人士則有六十三次。
卓妮